ayalagch

Зүрхэн дундуур туучсан мөр чинь арилаагүй байна
Зөөлөн борооноор ирэхдээ нөмөрсөн цув чинь хатаагүй байна
Сартайд амласан амлалтуудыг чинь сануулан сар мэлтийж байна
Саяхан хажууд минь байсан чиний зүгээс хүйт оригож байна
Сонихон содон байсан бүхнийг алгандаа нуучихая
Шохоорхол оо......... хайр биш гээд зүрхэндээ итгүүлчихэе
Шивнэж хэлсэн үгийг чинь сүнсэндээ хүртэл мартахыг даатгачихаад
Сэмээрхэн тольнд харья ..... Чамаас юу ч үлдээгүй байна
Аваад явчихсан хайрыг чинь санаад алчуураа үлдээлээ
Асгарсан нулимсны дусаал бүрийн үнэтэй юм шүү
Ширгэж хатсан сэтгэлийг минь харин битгий хайгаарай
Сэмээрхээн буцчихсан бүсгүйн зүрхэнд............. Гуниг байхгүй эээ 

                                                                                  Г.Номин